Skip to main content

မကွေးတိုင်းဒေသကြီး စီမံအုပ်ချုပ်ရေးကောင်စီဥက္ကဋ္ဌ၊ မင်းတုန်းမြို့နယ်အတွင်း ဒေသဖွံ့ဖြိုးရေးလုပ်ငန်းများ ကြည့်ရှုစစ်ဆေးကာ မင်းတုန်းမြိုနယ် ဌာနဆိုင်ရာဝန်ထမ်းများအား တွေ့ဆုံ

မင်းတုန်းမြိုနယ် ဌာနဆိုင်ရာဝန်ထမ်းများအား တွေ့ဆုံ

မင်းတုန်း ဧပြီ ၂၉
မကွေးတိုင်းဒေသကြီး စီမံအုပ်ချုပ်ရေးကောင်စီဥက္ကဋ္ဌ ဦးတင့်လွင်သည် အဖွဲ့ဝင် ရဲမှူးကြီးလှိုင်တင့်နှင့်အတူ တိုင်းဒေသကြီးအဆင့် ဌာနဆိုင်ရာ တာဝန်ရှိသူများ လိုက်ပါကာ ဧပြီလ ၂၇ ရက် မွန်းလွဲ ၂ နာရီက မင်းတုန်းမြို့နယ် စည်ပင်သာယာရေးအဖွဲ့မှ အမှတ်(၄) ရပ်ကွက်ရှိ သာယာရွှေပြည်လမ်း၊ ကွန်ကရစ်ခင်းနေမှု ပြီးစီးမှုအခြေအနေနှင့် မင်းတုန်းမြို့ အထက နှစ်ထပ်ကျောင်းဆောင်သစ် ဆောက်လုပ်နေမှုအား ကြည့်ရှုစစ်ဆေးပြီး လိုအပ်သည်များ မှာကြားခဲ့သည်။

မင်းတုန်းမြိုနယ် ဌာနဆိုင်ရာဝန်ထမ်းများအား တွေ့ဆုံ


ထို့နောက် မင်းတုန်းမြို့နယ် အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမတွင် မင်းတုန်းမြို့နယ် ဌာနဆိုင်ရာများနှင့် တွေ့ဆုံပွဲကျင်းပရာ တိုင်းဒေသကြီး စီမံအုပ်ချုပ်ရေး ကောင်စီဥက္ကဋ္ဌ ဦးတင့်လွင်က နိုင်ငံတော်စီမံအုပ်ချုပ်ရေးကောင်စီအနေဖြင့် မူဝါဒများချမှတ်၍ ဆောင်ရွက် နေမှုများကို အသေးစိတ်ရှင်းလင်းပြောကြားပြီး ဌာနဆိုင်ရာတာဝန်ရှိသူများ အနေဖြင့် မိမိတို့ဒေသ ဖွံ့ဖြိုးတိုးတက်ရေးအတွက် တာဝန်ကျရာ အခန်းကဏ္ဍများအလိုက် နိုင်ငံ့ဝန်ထမ်းကောင်း ပီသစွာဖြင့် လုပ်ငန်းတာဝန်များကို ကျေပွန်စွာထမ်းဆောင်သွားကြရန်နှင့် နိုင်ငံ့ဝန်ထမ်းဥပဒေ၊ နည်းဥပဒေများနှင့်အညီနေထိုင်သွားကြရန် လမ်းညွှန်မှာကြားခဲ့သည်။

မင်းတုန်းမြိုနယ် ဌာနဆိုင်ရာဝန်ထမ်းများအား တွေ့ဆုံ


ဆက်လက်၍ တိုင်းဒေသကြီးစီမံအုပ်ချုပ်ရေး‌ေကာင်စီ အဖွဲ့ဝင် ရဲမှူးကြီးလှိုင်တင့်က နယ်မြေလုံခြုံရေးနှင့် တရားဥပဒေစိုးမိုးရေးဆိုင်ရာ ကိစ္စရပ်များ၊ လူမှုစီးပွား ဘဝ ဖွံ့ဖြိုးရေးဆိုင်ရာ များနှင့်ပတ်သက်၍ ဆွေးနွေးပြောကြားခဲ့ပြီး မင်းတုန်းမြို့နယ်စီမံအုပ်ချုပ်ရေး အဖွဲ့ဥက္ကဋ္ဌ ဦးကျော်သူစိုးက မင်းတုန်းမြို့နယ်၏ အုပ်ချုပ်ရေး၊ စီးပွားရေး၊ လူမှုရေးနှင့် ဒေသဆိုင်ရာ အချက်အလက်များအား ရှင်းလင်းတင်ပြရာ မကွေးတိုင်းဒေသကြီး စီမံ အုပ်ချုပ်ရေးကောင်စီဥက္ကဋ္ဌ ရှင်းလင်းတင်ပြမှုများ အပေါ် လိုအပ်သည်များ လမ်းညွှန်မှာကြားခဲ့ကြောင်း သိရသည်။